काठमाडौं : राष्ट्रिय टोलीका कप्तान पारस खड्कासहित पाँच खेलाडी ‘एनसीसीएस-सिप्यान क्रिकेट अवार्ड’ अन्तर्गत पुरुषको वर्ष खेलाडी अवार्डका लागि मनोनीत भएका छन्।
क्रिकेट खेलाडी संघ नेपाल (सिप्यान) ले आइतबार सार्वजनिक गरेको मनोनयनको सूचीमा कप्तान पारससहित दीपेन्द्रसिंह ऐरी, करण केसी, सन्दीप लामिछाने र सोमपाल कामी परेका छन्। महिलातर्फ कप्तान रुविना क्षेत्री, इन्दु बर्मा, करुणा भण्डारी, सरिता मगर र सीता रानामगर मनोनयनमा परेका छन्।
उदीयमान खेलाडीतर्फ अविनाश बोहरा, कविता कुँवर, ललितनारायण राजवंशी, रोहितकुमार पौडेल र सन्दीप जोरा रहेका छन्। सिप्यानले क्रिकेट विकासमा सहयोग पुर्याउने एक जनालाई लाइफटाइम्स अचिभमेन्ट अवार्ड प्रदान गर्ने पनि जनाएको छ। अवार्ड फागुन २१ गते प्रदान गरिनेछ। वर्षको पुरुष अवार्ड विजेताले एक लाख ३२ हजार र अन्य चार विधाका विजेताले ६६ हजार रुपैयाँ प्राप्त गर्नेछन्।
प्रतिक्रिया दिनुहोस !
