अवैध रुपमा बालुवा बेच्ने वडाध्यक्षविरुद्ध अख्तियारमा उजुरी
फागुन २३, २०७५ बिहीबार १८:५७:०
विराटनगर : मोरङको बुढीगंगा गाउँपालिका–४ का वडाध्यक्ष कासीम मियाँविरुद्ध खोलाको माटो अवैध रुपमा उत्खनन गरी बेचेको भन्दै अख्तियार दुरुपयोग अनुसन्धान आयोगमा उजुरी परेको छ ।
अख्तियार दुरुपयोग अनुसन्धान आयोगको क्षेत्रीय कार्यालय इटहरीमा मियाँविरुद्ध उजुरी परेको छ । मियाँको प्रत्यक्ष संलग्नतामा बुढीगंगास्थित बुढीखोलाको बगरको माटो र बालुवा अवैध रुपमा उत्खन्न गरी बेच्चे गरेको भन्दै अख्तियारमा उजुरी परेको हो ।
यसअघि नै स्थानीयहरुले गाउँपालिकामा पुगेर मिया“लाई कारवाही गर्नुपर्ने माग गरेका थिए । तर गाउँपालिका प्रमुख बालचन्द्र माझीले यसबारे सुनुवाई नगरेको भन्दैपछि बुढीगंगा गाउ“पालिकाका स्थानीय नुर महमदको नेतृत्वमा उजुरी हालिएको हो ।
अख्तियार सहित जिल्ला प्रशासन कार्यलय मोरङ, आन्तरिक मामिला तथा कानु मन्त्रालय प्रदेश १, उद्योग, प्रर्यटन तथा वातावरण मन्त्रलाय, भूमि व्यवस्था, कृर्षी तथा सहकारी मन्त्रालय लगायतमा उजुरी दिइएको हो ।
जनप्रतिनिधिकै संलग्नतामा खोला बगरको अवैध रुपमा स्काभेट लगाएर दैनिक १० वटा टिपरले माटो उत्खन्न गरी बेच्नेगरेको भन्दै समाचार अन्नपूर्ण पोस्टमा प्रकाशित भएको थियो ।
समाचार प्रकाशित भएपछि स्थानीयहले प्रमख बालचन्द्र माझीलाई भेटेर उजुरी दिएका थिए । उजुरी दिएको लामो समयपछि प्रमुख माझी सहित टीम स्थलगत अनुगमन गरेर प्राविधिक सहितको टोलीले छानबिन गर्ने बताएका थिए ।
तर कारवाही गर्न चासो नदेखाइएपछि स्थानीहरुले सम्बन्धित निकायहरुमा उजुरी दिएका हुन् । खोलाको बगरमा रहेको ऐलानी जग्गामा उत्खनन् गरिएको क्षेत्रमा ठूल्ठूला खाल्डाखुल्डी छन् । वडाध्यक्ष कासिम मिया“को संलग्नतामा अवैध रूपमा खोला क्षेत्रमा भरोटको उत्खनन् हुने गरेको स्थानीयले आरोप लगाउँदैआएका छन् । अहिले सो क्षेत्रमा उत्खनन् गर्न रोक लगाएको भनिए पनि माटो ट्याक्टर मार्फत दैनिक बाहिर पठाउने गरिएको छ ।
प्रतिक्रिया दिनुहोस !
