दाङ : उच्च अदालत तुलसीपुरले नेत्रविक्रम चन्द विप्लव नेतृत्वको नेकपाका नेतालाई पक्राउ गुर्नको कारणसहित उपस्थित हुन जिल्ला प्रहरी कार्यालय दाङलाई आदेश दिएको छ ।
अदालतमा परेको बन्दीप्रत्यक्षीकरण मुद्दाको सुनुवाई गर्दै उच्च अदालतका मुख्य न्यायाधीस नहकुल सुवेदीको एकल इजलाशले पक्राउ गर्नुको कारणसहित विप्लप नेतृत्वको नेकपाका जिल्ला सदस्य प्रदीप वली, इश्वरी पाण्डे र रुद्र वलीलाई चार दिन भित्र उपस्थित गराउन आदेश दिएको हो ।
आदेशमा निवेदकको माग बमोजिम पक्राउ गर्नुपर्ने, बन्दीलाई थुनामुक्त गर्नु नपर्ने लिखित जानकारीसहित बन्दीलाई फागुन २६ गते १० बजे भित्र उच्च अदालत तुलसीपुरमा उपस्थित बनाउनु पर्ने उल्लेख छ ।
बन्दीको तर्फबाट रमिता वलीले दिएको बन्दीप्रत्यक्षीकरण मुद्दामा निवेदकको तर्फबाट वरिष्ठ अधिवक्ता वामदेश शर्मा, विष्णुमणी धिताल, रामशरण चौधरी र पुष्कार भण्डारीले बहस गरेका थिए ।
निवेदकको तर्फबाट जिल्ला प्रहरी कार्यालय र इलाका प्रहरी कार्यालय तुलसीपुरलाई विपक्षी बनाइएको छ । तीनैजनालाई सोमबार तुलसीपुरको एक कार्यक्रमस्थलबाट पक्राउ गरेर जिल्ला प्रहरी कार्यालयको हिरासदमा राखिएको छ ।
प्रतिक्रिया दिनुहोस !
