राजविराज : सप्तरीको अग्नीसाइर कृष्णसवरण गाउँपालिका-६ मोहनपुरस्थित मकैबारीमा एक युवकको शव बेवारिसे अवस्थामा फेला परेको छ।मोहनपुर निवासी निलम मेहताको मकैबारीमा नामथर ठेगाना नखुलेको करिब ३० वर्षीय युवकको शव वेवारिसे अवस्थामा फेला परेको जिल्ला प्रहरी कार्यालय, सप्तरीले जनाएको छ ।
'बिहान स्थानीयले शव देखेपछि प्रहरीलाई खबर गरेका थिए, इलाका प्रहरी कार्यालय कञ्चनरुपका प्रहरी निरीक्षक प्रतिक विष्टले भने, ' प्रहरी घटनास्थल पुग्दा उनको शव उत्तानो परेको अवस्थामा थियो।' स्थानीय प्रदिप आचार्यका अनुसार निलो रंगको ज्याकेट र जिन्स पेन्टलगाएका मृतकको खल्तीमा काँकडभिट्टाबाट काटिएको मिति उल्लेख नभएको बसको टिकट र ५० रुपैयाँ फेला परेको छ।
शव पोष्टमार्टमका लागि राजविराजस्थित गजेन्द्रनारायण सिंह अस्पतालमा राखिएको छ।अस्पतालका अनुसार शवको पहिचान हुन नसकेकाले पोष्टमार्टम हुन सकेको छैन्।
प्रतिक्रिया दिनुहोस !
