काठमाडौं : गीतकार तारा अधिकारीको नयाँ गीत ‘मायाको घर’ बजारमा आएको छ। उनको शब्द रचनाको गीतमा प्रमोद खरेलको स्वर र उमेशराज खड्काको संगीत छ। गीतमा संगीत संयोजन किरण कँडेलले गरेका छन्।
गीतको भिडियोमा मरिस्का पोखरेल, कुशल अधिकारी र दिनेश बुढाथोकीलाई देख्न सकिन्छ। भूपेन्द्र अधिकारीको सम्पादन रहेको भिडियोलाई शिव ढकालले खिचेका हुन्। भिडियोको निर्देशन रमेश थापाले गरेका छन्। चन्द्र विनायक फिल्मस्मा भिडियोको पोस्ट प्रोडक्सनको काम भएको छ।
गीतकार अधिकारीको यो गीत सपना एल्बममा समावेश छ। गीत लेख्नु आफ्नो सौख भएको बताउँदै गीतकार अधिकारीले एल्बम भने अन्य गीतको रेकर्डिङ सकिएपछि ल्याउने बताइन्। यो उनको दोस्रो गीत हो।
प्रतिक्रिया दिनुहोस !
