गाईघाट : उदयपुरको कटारी नगरपालिका-२ देवीधापमा बिहीबार फेला परेको सुतली बम नेपाली सेनाले डिस्पोज गरेको छ। सेनाको वेलसोतस्थित कालिसिद्धि इन्जिनियरिङ गणको डिस्पोजल टोलीले बम डिस्पोजल गरेको हो।
मारुती सिमेन्ट उद्योगलाई कच्चा पर्दाथ (चुनढुंगा) सप्लाई गर्ने शिबम मल्टिपल्स प्रालिको गेटे अगाडि बम राखिएको इलाका प्रहरी कार्यालय कटारीका प्रहरी निरीक्षक ललन कुर्मीले जानकारी दिए।
नेकपाले आह्वान गरेको बन्दको कारण उदयपुरको जनजीवन प्रभावित भएको छ। बन्दका कारण सदरमुकाम गाईघाट लगायत कटारी, वेल्टार, रामपुर, मुर्कुची लगायतका स्थानबाट संचालन हुने लामो तथा छोटो दुरीका सवारी साधन चलेका छैनन्। ग्रामिण क्षेत्रबाट संचालन हुने सम्पूर्ण यातायात ठप्प भएको प्रहरीले जनाएको छ।
प्रतिक्रिया दिनुहोस !
