तेहरान : इरानबाट खरिद गर्ने तेलको कटौती गरी शून्यमा झार्ने अमेरिकी योजनाले विश्व तेल बजारमा नकारात्मक प्रभाव पार्ने इरानका पेट्रोलियममन्त्रीले बताएका छन्। मन्त्री बिजान नामदार जाँगनेहले भने, ‘हामीले जुनसुकै अवस्थामा पनि इरानको पेट्रोलियम पदार्थ निर्यात गर्नका लागि आवश्यक मापदण्ड बनाइरहेका छौँ।’
अमेरिकी दबावमा इरानी तेल निर्यातलाई कठिन बनाइए यसले विश्वकै तेल कारोबारमा थप धेरै समस्या खडा गर्ने उनले चेतावनी पनि दिए। इरानबाट तेल खरिद नगर्दा पनि अमेरिकालाई कुनै प्रभाव नपर्ने भनी इरान मामिला हेर्ने अमेरिकी विदेश मन्त्रालयका प्रतिनिधि ब्रायन हुकले शुक्रबार बताएका थिए।
‘विश्वका अन्य मुलुकबाट हुने तेलको राम्रो आपूर्तिले पेट्रोलियम पदार्थका लागि अमेरिकाको मागलाई सजिलै सम्बोधन गर्नेछ’, हुकले भनेका थिए, ‘इरानबाट हुने आपूर्तिमा कडाइ गरियोस् वा प्रतिबन्ध लागाइयोस् अमेरिकामा कुनै समस्या आउँदैन।’
प्रतिक्रिया दिनुहोस !
