हेटौंडा : मकवानपुर प्रहरीले ४५ किलो लागुऔषध गाँजा, कार सहित पाँचजनालाई पक्राउ गरेको छ। तीमध्ये तीनजना भारतीय नागरिक रहेको प्रहरीले बताएको छ।
पूर्व पश्चिम राजमार्ग अन्तर्गत हेटौंडा १५ बाट चेकजाँचको क्रममा हेटौंडाबाट बीरगंजतर्फ जाँदै गरेको भारतीय डब्लु बि ०६-६३०९ नम्बरको कार चेकजाँचका क्रममा कारभित्र फल्स बटन बनाएर लुकाएको अवस्थामा ४५ किलो गाँजा बरामद गरिएको प्रहरीले जनाएको छ।
गाजासहित पक्राउ पर्नेमा भारत भागलपुर बिहार बस्ने ३०वर्षीय बिष्णु कुमार साह, २८ वर्षीय अहमद गुल्जार र भारत पूर्वी चम्पारण मोतिहारी बस्ने ३०वर्षीया रेणु देवी रहेको मकवानपुर प्रहरी प्रमुख एसपी मुकेश सिंहले बताए।उनीहरुले चारपाटे आकारमा ३० वटा पोकामा गाँजा लुकाएर राखेका थिए।
प्रतिक्रिया दिनुहोस !
