भोजपुर : अरुण गाउँपालिका- ६ जरायोटारमा ट्रकको ठक्करबाट मोटरसाइकलमा सवार दुईजना गम्भीर घाइते भएका छन्। भोजपुरबाट धरानतर्फ जाँदै गरेको ना ६ ख ४४८३ नम्बरको ट्रकले विपरित दिशाबाट भोजपुरतर्फ आउँदै गरेको को ३१ प ४५४५ नम्बरको मोटरसाइकललाई ठक्कर दिँदा दुई घाइते भएको प्रहरीले जनाएको छ।
ठक्करबाट मोटरसाइकलमा सवार धनकुटा हिलेका ३० वर्षीय गणेश पाण्डे र धनकुटा मुगाका ३५ वर्षीय मनकुमार तामाङ्ग गम्भीर घाइते भएको प्रहरीले जनाएको छ। ठक्कर दिने ट्रक र ट्रक चालक टेम्केमैयुङ्ग गाउँपालिका-३ अन्नपूर्णका मदन राईलाई प्रहरीले नियन्त्रणमा लिएको छ। घाइते दुवैलाई उपचारका लागि वीपी कोईराला स्वास्थ्य विज्ञान प्रतिष्ठान लगिएको प्रहरीले जनाएको छ।
प्रतिक्रिया दिनुहोस !
