रामेछाप : रामेछापको बाम्तीभण्डारस्थित सिद्धेश्वर शिक्षा सामुदायिक क्याम्पसको उद्घाटन भएको छ । भातरको अनुदानमा निर्मित क्याम्पसको आज औपचारिक रुपमा उद्घाटन भएको हो ।
सन् १९६३ मा स्थापित तथा त्रिभुवन विश्वविद्यालयसँग सम्बद्घ सिद्धेश्वर शिक्षा सामुदायिक क्याम्पसमा हाल एक हजारजना विद्यार्थी अध्ययनरत छन् ।
सन् २००६ देखि यस क्याम्पसले स्नातक तहका कार्यक्रमहरु सञ्चालन गर्दै आएको छ । सिद्धेश्वर शिक्षा सामुदायिक क्याम्पस रामेछाप जिल्लाको प्रतिष्ठित शैक्षिक संस्थाको रुपमा परिचित छ ।
भारत सरकारको ३ करोड ५५ लाख रुपैयाँ अनुदान सहयोगमा निर्मित तीनतल्ले नयाँ भवनमा १२ वटा कक्षाकोठा छन् । संकाय, प्रधानाध्यापक, पुस्तकालय, बैठक, लेखा शाखा, प्रयोगशाला, भण्डारणका लागि एक-एक कोठा तथा प्रत्येक तलामा छात्र छात्राका लागि शौचालय निर्माण गरिएका छन् ।
यस नवनिर्मित संरचनाले विद्यार्थीहरुको सिकाई वातावरणलाई अभिवृद्घि गर्ने मात्र नभई रामेछाप तथा यस जिल्लासँग जोडिएका अन्य क्षेत्रका गरिब तथा सीमान्तकृत विद्यार्थीहरुको शिक्षामा पहुँचसमेत बढाएको छ ।
प्रतिक्रिया दिनुहोस !
