भोजपुुर : आमचोक गाउँपालिका दुम्मानास्थित रानीबासबाट बालंखा आउँदै गरेको ना ५ त ९४३२ नम्बरको ट्रयाक्टर दुर्घटना हुँदा चालकको घटनास्थलमै मृत्यु भएको छ ।
चालक भविन्द्र राईको मृत्यु भएको हो । ट्रयाक्टरमा सवार अन्य दुईजना गम्भिर घाइते भएका छन् ।
शुक्रबार राति ट्रयाक्टर अनियन्त्रित भइ सडकबाट करिब ८ सय मिटर तल झरेपछि ट्रयाक्टर चालक आमचोक गाउँपालिका–४ बालंखाका २५ वर्षीय भविन्द्रको घटनास्थलमै मृत्यु भएको जिल्ला प्रहरी कार्यालय भोजपुरका प्रहरी निरीक्षक पाण्डव राजवंशीले जानकारी दिए ।
दुर्घटनामा महोत्तरी जिल्ला घर भएका ४० वर्षीय हरि खत्री र आमचोक गाउँपालिका १, वासिङथर्पुका शंखर कार्की घाइते भएका छन् । घाइतेमध्ये कार्कीको अवस्था गम्भिर रहेको र उनलाई गएराति नै विपी कोइराला स्वास्थ्य विज्ञान प्रतिष्ठान धरान लगिएको राजवंशीले बताए ।
प्रतिक्रिया दिनुहोस !
