अमेरिका : नेकपा अध्यक्ष पुष्पकमल दाहाल प्रचण्डकी पत्नी सीताको स्वास्थ्यमा क्रमिक सुधार देखिएको छ । वंशानुगत पार्किन्सन रोगबाट ग्रसित सीताको स्वास्थ्यमा सुधार आएको दाहाल परिवारले जानकारी दिएको छ ।
सीताको गत मंगलबारदेखि अमेरिकाको जोन हप्किन्स अस्पतालमा उपचार भइरहेको छ । अस्पतालमा भर्ना नगरिएपनि उनलाई निरन्तर परीक्षण गरिएको र चिकित्सकको सल्लाह बमोजिम नै उपचार भइरहेको जनाइएको छ।
सीता अहिले आफैं सामान्य हिँडडुल गर्न सक्ने भएकी छन् । उनी सुगर र उच्च रक्तचापबाटसमेत ग्रसित छन् । उनलाई कहिलेसम्म उपचार जारी राख्ने भन्ने यकिन भएको छैन् । प्रचण्ड भने अबको केही दिनमा नेपाल फकर्ने कार्यक्रम छ।
प्रतिक्रिया दिनुहोस !
