नयाँदिल्ली : भारतीय प्रभावशाली क्रिकेटर महेन्द्र सिंह धोनी अहिले आईपीएलमा व्यस्त छन् । तर पछिल्लो समय उनको खेलको मात्रै चर्चा भएको छैन ।
इन्स्टाग्राममा उनले पोस्ट गरेको नयाँ भिडियोको पनि उत्तिकै चर्चा भएको छ । जहाँ धोनी आफ्नी ६ वर्षीया छोरीलाई विभिन्न ५ वटा भारतीय भाषा सिकाउँदै छन् ।धोनीले छोरी जिभालाई गुजराती, तामिल, बंगला, भोजपुरी र पन्जाबी भाषा सिकाइरहेको भिडियो अहिले भाइरल नै बनेको हो ।
भिडियोमा धोनीले ‘तिमिलाई कस्तो छ ?’ भन्दै सोधेका छन् । फरक फरक ५ भाषामा उनले यो सोधेका उक्त प्रश्नको जवाफ जिभाले सम्बन्धित भाषामै दिएकी छन् । जिभाले ‘म ठीक छु’ भन्दै सबै भाषाको जवाफ तिनै भाषामा फर्काएकी छन् । द क्विन्टले धोनीको उक्त भिडियो सहित समाचार नै प्रकाशन गरेको छ ।
प्रतिक्रिया दिनुहोस !
७
