बझाङ : बझाङको बित्थड चिर गाउँपालिका–५ ओसलकी ८० वर्षीया एक वृद्धाले बल्ल पहिलो पटक नागरिकता पाएकी छन् ।
प्रमुख जिल्ला अधिकारी सुरेस सुनारले ओसैलस्थित खुरकुट्टीदेवी महरको घरमै पुगेर नागरिकता दिएका हुन् । शारिरिक अपांगताले अशक्त खुरकुट्टीदेवीले पहिलो पटक नागरिकता पाएकी हुन् । नागरिकता छुटेकाहरुका लागि बित्थड चिर गाउँपालिकाले देलेखमा नागरिकता शिबिर गराइरहँदा उनलाई पनि नागरिकता दिएको प्रमुख जिल्ला अधिकारी सुरेश सुनारले बताए ।
आँखा नदेख्ने र बोल्न पनि नसक्ने बृद्ध खुरकुट्टी देवीलाई उनकै घरमा आएर प्रमुख जिल्ला अधिकारी सुनारले नागरिकता दिएपछि उनका आफन्तले खुसी व्यक्त गरेका छन् ।
तीन दिनदेखि सञ्चालन भएको शिविरमा सात सय जनाले नागरिकता लिएको सहायक प्रमुख अधिकारी शिवराज जोशीले बताए ।
प्रतिक्रिया दिनुहोस !
