काठमाडाैं : अमेरिकामा रहेका पूर्वप्रधानमन्त्री तथा नेकपाका अध्यक्ष्य पुष्पकल दाहाल प्रचण्डले त्यहाँस्थित अमेरिकी सरकारका एक प्रतिनिधिसँग पनि भेट गरेका छन् । अमेरिकी सरकारको दक्षिण तथा मध्य एसिया मामिला हेर्ने विभागका निमित्त सहायक सेक्रेटरी एलिस जी वेलसँग उनले भेट गरेका हुन् ।
एलिस नेतृत्वको उक्त विभागले भारत, श्रीलंका, बंगलादेश, नेपाल लगायत मुलुकसँग अमेरिकी सम्बन्ध मामिला हेर्दैआएको छ । प्रचण्डको उक्त भेटवार्ता बारे प्रचण्डपुत्री गंगा दाहालले फेसबुकमार्फत जानकारी गराएकी छन् ।
उनले फेसबुकमा तस्बिर सार्वजनिक गर्दै प्रचण्डले एलिससँग भेट गरेको बताएकी हुन् । यद्यपि उनीहरुबीच के विषयमा भेटवार्ता भयो भन्नेबारे सार्वजनिक भएको छैन । पत्नी सीतालाई उपचारको लागि अमेरिका पुगेका प्रचण्डले राजनीतिक भेटवार्ता पनि गरेका हुन् ।
प्रतिक्रिया दिनुहोस !
