काठमाडौं : भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले सहकारीले सदस्यको जीवनस्तर सुधार गर्न नसकेको बताएकी छन् ।
६२ औं राष्ट्रिय सहकारी दिवसको अवसरमा काठमाडौं जिल्ला सहकारी संघ, कास्कुन लगायतको संयुक्त रुपमा आयोजनामा गरेको कार्यक्रममा बोल्दै मन्त्री अर्यालले सदस्यको जीवनस्तर सुधार गर्न सहकारीलाई निर्देशनसमेत दिएकी छिन् । उनले सहकारीमा आवद्ध जनशक्तिलाई सीपमूलक तालिम दिएर उत्पादनमा लगाउन आग्रह गरिन् ।
सहकारीमार्फत देश निर्माण गरिने पनि मन्त्रीको भनाइ छ । ‘सहकारीमार्फत हामीले सदस्यको जीवनस्तर सुधार्ने हो तपाईँहरु त्यसतर्फ लाग्नुस्’, मन्त्री अर्यालले भनिन्, ‘सहकारीमा आवद्ध सदस्यलाई सीपमुलक तालिम दिएर व्यवसायिक बनाउनुस् । उनीहरूलाई उत्पादनमा वृद्धि गर्ने कार्यमा लगाउनुस् ।’
प्रतिक्रिया दिनुहोस !
