काठमाडौं : कन्दरा ब्याण्डका गायक विवेक श्रेष्ठको ‘चन्द्रकोटकी नानी’ गीतको म्यूजिक भिडियो सार्वजनिक भएको छ।
म्यूजिक नेपालको प्रस्तुति रहेको भिडियोमा अलिशा राईको अभिनय हेर्न सकिन्छ। साथै प्रसन्न पौडेलले निर्देशन गरेको म्यूजिक भिडियो पोखरा र काठमाडौंमा सुटिङ गरिएको उनले जानकारी दिए। झन्डै दुई वर्ष लगाएर तयार पारिएको उक्त भिडियोमा गायक विवेक श्रेष्ठ स्वयंले पनि अभिनय गरेका छन्।
यो गीतको अडियो भने दुई वर्षअघि नै सार्वजनिक भइसकेको हो। विनोद गौचनको शब्द र सुनिल थापाको संगीत छ। भेडीगोठ नामक एल्बममा समावेश ८ गीतमध्ये चन्द्रकोटकी नानी तेस्रो म्यूजिक भिडियो हो।
प्रतिक्रिया दिनुहोस !
