काठमाडौं : इन्डियन प्रिमियर लिग (आईपीएल) अन्तर्गत शनिबारको खेलमा नेपाली लेग स्पीनर सन्दीप लामिछाने टिममा परेका छन्।
दिल्ली क्यापिटलले किंग्स इलाभेन पञ्जाबविरुद्धको खेलमा सन्दीपलाई प्लेइङ ११ मा समेटेको हो। यसअघि लगातार तीन खेलमा सन्दीप बेन्चमा थिए।
बिहीबार राति भएको खेलमा सन्दीपको टिम दिल्ली क्यापिटलले मुम्बई इन्डियन्ससँग ४० रनको नमिठो हार व्यहोरेको थियो। अवे मैदानमा पछिल्ला तीन खेल लगातार जितेको दिल्ली बिहीबार आफ्नै मैदानमा मुम्बईसँग ४० रनले पराजित भएको थियो।
दिल्लीले आईपीएलको १२ औँ सिजनका ९ खेल खेल्दा सन्दीपलाई ४ खेलमा मात्रै अटाएको थियो।
आजको खेल कोट्ला मैदानमा हुँदैछ। दिल्लीले टस जितेर फिल्ड रोजेको छ । मुम्बईसँगको पछिल्लो हारसँगै दिल्ली अंक तालिकाको तेस्रो स्थानमा झरेको छ।
प्रतिक्रिया दिनुहोस !
