चितवन : नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले आर्थिक समृद्धिको अभियानमा नयाँ रेकर्ड बनाउने दाबी गरेका छन्। समृद्ध राष्ट्र निमार्णको क्रममा थुप्रै परियोजना आउने भन्दै त्यसमा हुने प्रतिष्पर्धाले रेकर्ड बनाउने उनको दाबी छ।
भरतपुरमा जिल्ला सहकारी संघले सञ्चालन गरेको साझा पेट्रोल पम्पको उद्घाटन गर्दै अध्यक्ष दाहालले समृद्धिको परियोजनाले देश विकासमा नयाँ रेकर्ड बनाउने बताएका हुन्। ‘भौगोलिक विविधतासँगको प्राकृतिक साधनको सदुपयोगले थुप्रै परियोजना देखापर्छन्’, दाहालले भने ‘त्यही परियोजनामा हुने प्रतिपर्धाले नयाँ रेकर्ड बनाउँदै जानेछ।’
दाहालले तीन खम्बे अर्थनीति बिना आर्थिक समृद्धि सम्भव नभएको बताए। संविधानले नै सरकारी, निजी र सहकारीको सहकार्यबाट आर्थिक समृद्धि अगाडि बढाउन दिशानिर्देश गरेको भन्दै त्यसैका आधारमा रहेर अघि बढ्ने बताए। सामाजिक न्याय सहितको आर्थिक समृद्धिमा सबैको सहकार्य हुनुपर्नेमा उनले जोड दिए।
प्रतिक्रिया दिनुहोस !
