राजविराज : सप्तरीको शम्भुनाथ नगरपालिकामा दुर्घटनामा परी सोमबार राति एक पैदलयात्रीको मृत्यु भएको छ।शम्भुनाथ ४ स्थित पूर्व-पश्चिम राजमार्गमा भएको दुर्घटनामा शम्भुनाथ नगरपालिका-३ की ७० वर्षीया मखनीदेवी थरुनीको मृत्यु भएको जिल्ला प्रहरी कार्यालय, सप्तरीले जनाएको छ।
पूर्वबाट पश्चिमतर्फ जाँदै गरेको को.१च ८४०० नम्बरको पिकअप भ्यानले पैदल यात्री थरुनीलाई राति १० बजे ठक्कर दिएको थियो। घाइते थरुनीलाई उपचारका लागि रुपनी गाउँपालिकास्थित युनिक अस्पताल लैजाँदै गर्दा बाटैमा मृत्यु भएको इन्स्पेक्टर गुरुप्रसाद तिमिल्सिनाले बताए।जिल्ला प्रहरी कार्यालय सप्तरीका अनुसार सवारी साधन र चालक प्रहरीको नियन्त्रणमा छन्।
प्रतिक्रिया दिनुहोस !
