हस्तकला कालिगढबारे अन्तरक्रिया सम्पन्न
काठमाडौं : हस्तकला कालिगढ तथा उक्त कला तथा पेशालाई कसरी समृद्ध गर्ने भन्नेबारेमा एक अन्तरक्रिया सम्पन्न भएको छ ।
नेपाल हस्तकला कालिगढ महासंघले अन्तरक्रिया आयोजना गरेको हो । ललितपुरको गोदाबरीमा आयोजित अन्तरक्रियामा हस्तकला महासंघ, व्यापार संघ, बाणिज्य संघ, सरकारका प्रतिनिधि, पेशागत संघसंस्था लगायतको उपस्थिति थियो ।
कार्यक्रममा बोल्दै कार्यक्रमका प्रमुख अतिथि ललितपुर महानगरपालिका प्रमुख चिरिबाबु महर्जनले ललितपुरलाई हस्तकला नगरी घोषणा गरिने बताए ।
कार्यक्रममा लक्ष्मी राज्य शाक्यले पिपिपि अवधारणा हस्तकला व्यापारमा अवलम्वन गर्नुपर्ने सुझाव दिएकी थिइन् । यस्तै कालिगढलाई सम्मान गरिनुपर्ने र यस पेशालाई व्यवस्थित गर्नुपर्ने वक्ताहरुको भनाइ थियो । नेपाल हस्तकला कालिगढ़ महासंघका अध्यक्ष हरि सेन्चुरीले कार्यक्रमलाइ सम्बोधन गर्दै हस्तकलाको ब्यापार बढे पनि कालिगढ़को सम्मान बताएका थिए ।
वार्षिक एक अर्बको व्यापार भइरहेको हस्तकलालाई अझै बढाउन सकिने अध्यक्ष सेन्चुरीको भनाइ थियो ।