दाङ : आठौं राष्ट्रिय खेलकुद प्रतियोगिता अन्तर्गत महिला फुटबलको उपाधि एपिएफले जितेको छ । त्रिभुवन आर्मी क्लवलाई हराउँदै सशस्त्र प्रहरी बलको टीमले उपाधि जितेको हो ।
बुधबार दाङको बेलझुण्डी रङगशालामा भएको फाइनल खेलमा एपिएफले आर्मीलाई ट्राइब्रेकरको आधारमा हराउँदै उपाधि चुमेको हो । निर्धारित ९० मिनेटसम्म दुबै टिमबाट गोल हुन नसकेपछि खेल पेनाल्टी सुटआउटमा गएको थियो । आर्मीको खेल अवधिमा पाएको तीन अवसर गुमाउँदा उपाधि पनि गुमाउनु परेको छ । पेनाल्टी सुटआउटमा एपिएफले ४-३ गोलले आर्मीलाई हराएको हो ।
मंगलबार बेलझुण्डी रंगशालामा भएको खेलमा प्रदेश नम्बर ३ लाई शुन्यका विरुद्ध ६ गोलले पराजित गर्दै आर्मीले फाइनलमा पुगेको थियो । भने ट्राइब्रेकरमा नेपाल पुलिस क्लवलाई हराउँदै सशस्त्र प्रहरीको एपिएफ फाइनलमा पुगेको थियो । महिला फुटबलमा दोस्रो आर्मी र तेस्रो पुलिस क्लव भएका छन । महिला फुटबलको बुधवार नै एक समारोहका बीच बेलभुण्डीमा समापन गरिएको छ ।
प्रतिक्रिया दिनुहोस !
