हेटौंडा : मकवानपुर प्रहरीले दुई महिनाभित्रै ठूलो परिमाणमा लागूऔषध गाँजा बरामद गरेको छ। प्रहरीले २०७५ फागुन ८देखि २०७६ वैशाख १ गतेसम्म मकवानपुर १ हजार ११८ किलो गाँजा बरामद गरेको हो।
उक्त अवधिमा चरेश ७३ किलो, अफिम सातसय ग्राम, फेनार्गन २९ वटा एम्पुल, व्यूप्रोनोफिन २९ वटा एम्पुल, डाइजेपाम २९ वटा एम्पुल र नाइट्रोभेट ५४७ ट्याबलेट बरामद गरेको मकवानपुर प्रहरी प्रमुख एसपी मुकेश सिंहले बताए।
बरामद भएको लागूऔषध बिहीबार हेटौंडा उपमहानगरपालिका–१ र भीमफेदी गाउँपालिका–१ को सिमानामा नष्ट गरिएको समेत एसपी सिंहल जानकारी दिए। बरामद गरिएको गाँजा मध्ये चारसय ४० किलो आठसय ग्राम नष्ट गर्न बाँकी रहेको सिंहले बताए।
‘अदालतको आदेश आउन बाँकी रहेको गाँजा नष्ट गरिएको छैन’,एसपी सिंहले भने। उनका अनुसार आफूले मकवानपुरको नेतृत्व सम्हालेको दुई महिनामै उक्त परिमाणको लागूऔषध बरामद भएको हो।
प्रतिक्रिया दिनुहोस !
