विराटनगर : मामा घर गएकी मोरङको ग्रामथान गाउँपालिका-६ की ६ वर्षीया बालिकाको खोलामा डुबेर मंगलबार मृत्यु भएको छ। मिथुन माझीकी छोरी जिनिका माझीको मामा घर नजिकै रहेको लोहन्द्रा खोलामा डुबेर मृत्यु भएको इलाका प्रहरी कार्यालय बेलबारीका प्रहरी निरीक्षक रामकुमार राईले बताए। बुवा र आमासँगै सोमबार मोतिपुरस्थित मामा घर गएकी बालिका साँझबाट बेपत्ता भएकी थिइन्।
राईका अनुसार खोजी गर्ने क्रममा शव मामा नवीनकुमार सरदारको घरबाट लगभग ३ सय मिटर पूर्व-उत्तरमा रहेको खोलाको पानीमा तैरिएको अवस्थामा भेटिएको हो।प्रहरीले घटनाको अनुसन्धान सुरु गरिएको र शवलाई पोस्टमार्टमका लागि कोसी अस्पताल विराटनगर ल्याइएको जनाएको छ।
प्रतिक्रिया दिनुहोस !
