स्कुल जाँदै गरेकी बालिकाको ट्याक्टरको ठक्करबाट मृत्यु
वैशाख २०, २०७६ शुक्रबार १३:३२:०
विराटनगर : विराटनगरमा तीव्र गतिमा रहेको टयाक्टरले ठक्कर दिंदा स्कुल जाँदै गरेकी १० वर्षीय बालिकाको शुक्रबार बिहान मृत्यु भएको छ। विराटनगर महानगरपालिका-१२ मंगलबारेस्थित भित्री सडकखण्डमा को २ च २१२४ नम्बरको ट्याक्टरले ठक्कर दिंदा दीपनारायण राजवंशीकी छोरी १० वर्षीय चन्द्रकला राजवंशीको मृत्यु भएको प्रहरीले जनाएको छ।
अरुणोदय आधारभूत विद्यालयको कक्षा ४ मा अध्ययनरत चन्द्रकलालाई बिहान ९:३० बजे ट्याक्टरले ठक्कर दिएको थियो ।ठक्करबाट गम्भीर घाइते बालिकाको उपचारका क्रमममा कोसी अस्पताल विराटनगरमा मृत्यु भएको प्रहरीले जनाएको छ ।प्रहरीले ट्याक्टर र चालकलाई नियन्त्रणमा लिएर घटनाको अनुसन्धान सुरु गरिएको जनाएको छ।
प्रतिक्रिया दिनुहोस !
