दार्चुला : प्रहरीले भन्सार छली गरेर ल्याउँदै गरेको करिब ९० हजारको सामान बरामद गरेको छ। मालिकार्जुन गाउँपालिका ८ मा पर्ने महाकाली नदी तारेर दार्चुला ल्याउँदै गरेको सामान प्रहरीले शनिबार बरामद गरेको हो।
सशस्त्र प्रहरीका नायव निरीक्षक मनिराम पार्कीको नेतृत्वमा खटिएको टोलीले चार सय जोर विभिन्न साइजका चप्पल, प्रतिबन्धित १ सय ६० बण्डल बिडी बरामद गरेको हो। ‘भारतबाट भन्सार छली गरेर नेपाल ल्याइएको अवैध सामान बरामद गरी छोटी भन्सार कार्यालय खलंगाामा बुझाइएको छ’, सशस्त्र प्रहरी बल ५० नम्बर गुल्मका गुल्मपति भीमबहादुर चन्दले भने। प्रहरीलाई देखेपछि व्यापार भने भागेका थिए।
प्रतिक्रिया दिनुहोस !
