काठमाडौं : त्रिभुवन अन्तराष्ट्रिय विमनस्थलमा राखिएको कालापानी र लिपुलेक नभएको नेपालको नक्सा हराइएको छ । त्रिभुवन अन्तराष्ट्रिय विमानस्थलको अन्तराष्ट्रिय विभागको ‘वेइटिङ रुम’मा राखिएको नेपालको नक्सामा नेपालको पश्चिम सीमानामा रहेको कालापानी र लिपुलेकको भाग थिएन ।
मंगलबार अन्नपूर्ण पोस्टले यसबारे खबर प्रकाशन गरेको थियो । सरकारले आधिकारिक नक्सा सार्वजनिक गरेर सबै सरकारी कार्यालय र सार्वजनिक महत्वका स्थानमा राख्ने भने पनि विमानस्थल मै नेपालको नक्सा नराखिएको प्रशंग समाचारमा उठाइएको थियो ।
विदेशी आवतजावत गर्ने ठाउँमा नै नेपालको गतल नक्सा राखिएको थियो ।बुधबार बिहान विमानस्थल पुग्दा टागिएको नेपालको गलत नक्सा हराइएको पाइयो। पहिले गलत नक्सा भन्ने थाहा नपाएर राखिएको र थाहा पाएपछि हटाइएको विमानस्थलका प्रवक्ता प्रतावबाबु तिवारीले बताए ।
नक्सा हराइए अर्को कालापानी र लिपुलेकसहितको नक्सा भने राखिएको छैन् । त्यो ठाउँ खाली छ ।
प्रतिक्रिया दिनुहोस !
