दाङ : दाङमा सवारी दुर्घटनामा एक जनाको मृत्यु भएको छ। दाङको तुलसीपुर उपमहानगरपालिका ७ पर्सेनीका मोटरसाइकल दुर्घटना हुँदा एकजनाको मृत्यु भएको छ। एक जना घाइते भएका छन्।
शनिबार तुलसीपुर उपमहानगरपालिका ७ को प्रसेनी चोकमा रा ३ प ६९२८ नम्बरको मोटरसाइकल दुर्घटना हुँदा घोराही उपमहानगरपालिका ११ निवासी २१ वर्षीय जुगराम चौधरीको मृत्यु भएको जिल्ला प्रहरी कार्यालय दाङले जानकारी दिएको छ।
दुर्घटनामा घाइते चौधरीको राप्ती प्रादेशिक अस्पताल तुलसीपरमा उपचारपछि थप उपचारका लागि घोराहीको राप्ती स्वास्थ्य विज्ञान प्रतिष्ठान लग्दै गर्दा मृत्यु भएको दाङका प्रहरी नायव उपरीक्षक विनोदविक्रम शाहले जानकारी दिए।
मोटरसाइकलको पछाडि सवार तुलसीपुर १५ पहरुवा निवासी २० वर्षिया अम्बिका चौधरी घाइते भएकी छन्। उनको कोहलपुर मेडिकल कलेजमा उपचार भइरहेको छ। दुबै जना थारु पत्रकारले आयोजना गरेको वनभोज कार्यक्रमबाट फर्कदै थिए।
प्रतिक्रिया दिनुहोस !
