काठमाडौं : मानवसेवा आश्रमको सुदूरपश्चिम प्रदेश शाखा सञ्चालनमा आएको छ ।
सुदूरपश्चिम प्रदेश सरकारका सामाजिक विकासमन्त्री कृष्णराज सुवेदीले उक्त शाखाको मंगलबार धनगढीस्थित तारानगरमा भवन उद्घाटन गरेका हुन् ।
मन्त्री सुवेदीले प्रदेश सरकारले घरबारविहीन, बेसहारा तथा असहाय नागरिकको जीवन रक्षाका लागि अभिभावकत्व लिन तयार रहेको बताए । उनले प्रदेशभर रहेका सहयोगापेक्षी मानवको व्यवस्थापनमा मानवसेवा आश्रम र आश्रमजस्तै प्रकृतिका अन्य संघसंस्थासँग सहकार्य गरी अघि बढ्नु पर्नेमा जोड दिए ।
मानवसेवा आश्रमले २०८२ सालभित्र नेपाललाई नै घरबारविहीन, बेसहारा तथा जीवन नै जोखिममा रहेका मानवरहित नेपाल निर्माण गर्ने प्रतिवद्धता जनाएर केही वर्षदेखि काम गरिरहेको आश्रमका संस्थापक अध्यक्ष रामजी अधिकारीको भनाइ छ ।
हालसम्म १८ सयभन्दा बढी घरबारविहीन, बेसहारा तथा परित्यक्त नागरिकलाई उक्त आश्रमले सेवा गरिसकेको बताइएको छ ।
प्रतिक्रिया दिनुहोस !
