धरान : धरान उपमहानगरपालिका- ५ स्थित साउनेमा गोली प्रहार गरी लुटपाट गरिएको छ।आइतबार जीवन विकास लघु वित्त संस्थाका कर्मचारी शम्भु गच्छदारलाई गोली प्रहार गरी ४ लाख १० हजार नगद लुटिएको हो।
कम्मरमा गोली लागि घाइते भएका गच्छदाको वीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ। लुटेराहरुले गच्छदारलाई गोली प्रहार गरी घाइते बनाएर नगद ४ लाख १० हजार लुटेर लगेको पीडितलाई उद्धृत गर्दै संघीय प्रहरी कार्यालय धरानका प्रमुख एसएसपी शरद खत्रीले जानकारी दिए।
उनले घटनास्थलमा प्रहरीको टोली परिचालन गरी हतियारधारी समूहको खोजी भइरहेको बताए। घटनास्थलमा इलाका प्रहरी कार्यालय धरानका डीएसपी ढुण्डिराज न्यौपानेको नेतृत्वमा प्रहरी पुगिसकेको छ।
प्रतिक्रिया दिनुहोस !
