स्याङ्जा : स्याङ्जा प्रहरीले घरेलु मदिरा नियन्त्रणमा तीव्रता बढाएको छ।समुदाय प्रहरी साझेदारी कार्यक्रमअन्र्तगत प्रहरीले जिल्लाका विभिन्न होटलबाट झण्डै ६ सय लीटर घरेलु मदिरासहित मदिरा बनाउनमा प्रयोग गरिने कच्चा पदार्थ नष्ट गरेको जनाएको छ।
प्रहरीले वालिङ् र चापाकोट नगरपालिका तथा अर्जुनचौपारी गाउँपालिकाबाट झण्डै ४ सय २० लिटर तयारी रक्सी र १ सय ७५ लिटर कच्चा पदार्थ नियन्त्रणमा लिइ नष्ट गरेको छ। स्थानीय समाजसेवी र जनप्रतिनिधिको रोहबरमा प्रहरीले अवैध घरेलु मदिरा नष्ट गरेको हो।
प्रहरीले वालिङ नगरपालिकाका वडा नं. १, ६ र ८ का विभिन्न होटलबाट एक सय ७५ लिटर कच्चा पदार्थसहित ३ सय २५ लिटर तयारी रक्सी, अर्जुनचौपारी गाउँपालिका १ र २ अन्र्तगतका होटलवाट ६० लिटर तयारी रक्सी र चापाकोट नगरपालिकाका होटलबाट ३५ लिटर तयारी रक्सी नियन्त्रणमा लिई नष्ट गरेको प्रहरी निरीक्षक बिजयकुमार सिंहले जानकारी दिए।
प्रतिक्रिया दिनुहोस !
