निजगढ : पूर्वपश्चिम राजमार्ग अन्तर्गत बाराको पथलैया–निजगढ सडकखण्डको जंगलमा बसभित्र छिरेर एक समूहले ४५ हजार भन्दा बढी लुटपाट गरेको छ ।
राजमार्गको १३ किलो भन्ने स्थानमा शुक्रबार बिहानै ३ बजे मोटरसाइकलमा आएको समूह ना ७ ख २७९० नम्बरको रात्री बसमा छिरेर लुटपाट गरी फरार भएको हो ।
राजमार्गमै बस रोकेर उक्त समूहले बसका सहचालकलाई कुटपिट गर्दै ४५ हजार नगद र मोबाइल लुटेको पीडितको भनाइ छ । बस काठमाडौंबाट जलेश्वरतर्फ जाँदै गरेको थियो ।
बसमा लुटपाट भएपछि पीडितले निजगढस्थित इलाका प्रहरी कार्यालयमा घटनाबारे जानकारी गराएका थिए । इलाका प्रहरी कार्यालयका प्रहरी निरीक्षक बिक्रम लामाका अनुसार प्रहरीले घटनामा संलग्न रहेको आशंकामा केही व्यक्तिलाई नियन्त्रणमा लिएर सोधपुछ गरिरहेको बताएको छ ।
प्रतिक्रिया दिनुहोस !
५
