वासिङ्टन : अमेरिकाको भर्जिनिया बिचस्थित नगरपालिका कार्यालयमा गोली प्रहारबाट १२ जनाको मृत्यु भएको छ । अरु केही घाइते रहेको अधिकारीहरुले बताएका छन् ।
भर्जिनिया बिच प्रहरी प्रमुख जेम्स कर्भेराका अनुसार आक्रमणकारीको पहिचान भइसके पनि अधिकारीहरु परिवारमा पुगेपछि मात्रै नाम सार्वजनिक गरिने छ । कर्भेराले छिट्टै आक्रमणकारीको नाम सार्वजनिक गर्ने बताएका हुन् ।
यहाँका मेयर बब्बी डेयरले भने भर्जिनिया बिचको इतिहासमै सर्वाधिक डरलाग्दो घटना भएको प्रतिक्रिया दिएका छन् ।
घटनाको छानविन भइरहेको पनि बताइएको छ । भर्जिनियाकै सर्वाधिक भीडभाड हुने सहरको रुपमा चिनिने भर्जिनिया बिचको यस घटनामा राष्ट्रपति डोनाल्ड ट्रम्पले समेत चिन्ताको रुपमा लिएको अन्तर्राष्ट्रिय मिडियाले जनाएका छन् ।
प्रतिक्रिया दिनुहोस !
