धरान : धरानबाट विभिन्न मितिमा हराएका १२ थान मोबाइल भेटिएका छन्। इलाका प्रहरी कार्यालय धरानको सक्रियतामा हराएका मोबाइल फेला पारी शुक्रबार सम्बन्धित व्यक्तिलाई बुझाइएको छ।
मोबाइल हराएपछि पीडितले इलाका प्रहरी कार्यालय धरानमा निवेदन दिएका थिए। निवेदनको आधारमा मोबाइलको आइएमइआई नम्बरको ट्रेस गरी मोबाइल खोजी गर्दा फेला पारिएको इलाका प्रहरी कार्यालय धरानका डीएसपी ढुण्डिराज न्यौपानेले बताए।
उनले धरानका सन्तोषी राई, आब्दा सदा, सन्तोष रुचाल बालकुमार राई, रमा राई, रोशन मगर, सुदिप राई, सरोज श्रेष्ठ, विकास राईभिम केदेम, रुद्रकला लिम्बू र सन्तोष तामाङलाई मोबाइल बुझाइएको बताए।प्रहरीले हराएका विभिन्न कम्पनीका करिब ३ लाख रुपैयाँ बराबरको मोबाइल फेला पारी सम्बन्धित व्यक्तिलाई बुझाएको छ ।
प्रतिक्रिया दिनुहोस !
