मुगु : यार्सा संकलनका लागि गएका जुम्ला जिल्ला पातारासि गाँउपालिका–५ का एक युवकको लेक लागेर मृत्यु भएको छ ।
लेक लागेर बिरामी भएपछि उपचारका लागि लेकबाट ल्याउँदै गर्दा बीच बाटोमै मृत्यु भएको हो । मुगुम कार्मारोङ्ग गाँउपालिका–२ मुगु गाँउको रिमार भन्ने पाटन क्षेत्रमा यार्सा संकलनमा गएका जुम्ला जिल्ला पातारासी गाउँपालिका–५ का ३२ वर्षीय नन्दबहादुर बुढाको मृत्यु भएको हो ।
बिहान लेक लागेपछि उनीसँगै गएका उनका साथीहरुले उपचारका लागि सदरमुकाम गमगढी ल्याउदै गर्दा मुगुम कार्मारोङ्ग गाँउपालिका–२ मुगु गाँउ र शिरानी चौरको बीचमा पर्ने जङ्गलमा बिहान ११ बजे मृत्यु भएको नेपाल सशस्त्र प्रहरी गुल्म ४५ का डिएसपी बसन्त बहादुर सिंहले जानकारी दिएका हुन् ।
मुगुम कार्मारोङ्ग गाँउपालिका–२ मुगु गाँउका आधा दर्जन भन्दा बढी पाटन क्षेत्रमा पाइने यार्सागुम्बु संकलनका लागि उक्त गाँउपालिकाले जेठ १८ गतेबाट ४० दिनका लागि सर्वसाधारणलाई संकलन गर्न खुल्ला गरेको थियो ।
प्रतिक्रिया दिनुहोस !
