भद्रपुर : भद्रपुरमा रहेको गिरिजाप्रसाद कोईराला स्मृति सभागृह निर्माणको काम अलपत्र परेको छ । २०७२ असार २८ गते प्रधानमन्त्री केपी शर्मा ओली, तत्कालीन प्रधानमन्त्री शुशील कोईराला र नेकपाका अध्यक्ष पुष्पकमल दाहाल प्रचण्डले संयुक्त रुपमा शिलान्यास गरेको सभागृह १ वर्ष देखि अलपत्र छ ।
भद्रपुर नगरपालिका वडा नम्बर ८ स्थित मेची रङ्गशालाको पश्चिममा निर्माणाधिन सो सभागृह निर्माणका लागि प्रेरा शाह जेबीले १२ करोड ७२ लाख ६१ हजार रुपैयाँमा ठेक्का सम्झौता गरेको थियो । पाँच तलाको भवनमा सटर, बैँक तथा वित्तिय संस्था रहने र एकहजार जना अट्ने सभाहलको डिजाइन अनुसार निर्माण सुरु गरिएको थियो ।
सभागृहको ७५ प्रतिशत काम मात्र सकिएको छ । नियमित बजेटमा नआएर काम प्रगतिको आधारमा बिल पठाउने र रकम भुक्तानी हुने गरि ठेक्का भएको हो । समन्वय समिति झापाका प्रमुख सोम नाथ पोर्तेलले निर्माणाधिन भवन सम्पन्न गर्ने सम्बन्धमा मन्त्रालयबाट लिखित अनुमति नआएको बताए ।
सरकारले वेवास्था गर्दा सभागृह खण्डहर जस्तो लाग्ने अवस्थामा पुगेको कांग्रेसको बुझाइ छ । ‘सरकारले रमिते बनाउन खोजेको जस्तो देखिन्छ, बजेट समयमा छुट्याउँदैन’, काँग्रेस क्षेत्र नम्बर ३ का सभापति गणेश पोखरेलले भने । भवन निर्माण रोकिनु सरकारको कमजोरी भएको काँग्रेस नेता कृष्ण प्रसाद सिटौलाले बताए । ‘समयमा नै निर्माण सम्पन्न हुनुपर्ने भवन तर नियोजित ढङ्गले निर्माण कार्य हुँदा हुँदै बिचैमा रोकिएको छ, यसमा किन सरकारले चसो दिदैन ? ’ सिटौललाले प्रश्न गरे ।
प्रतिक्रिया दिनुहोस !
