शिखर चिमौरिया
काभ्रे : धुलिखेल–११ डाँडागाउँस्थित विपी राजमाार्गमा टिपर दुर्घटना हुँदा एकजनाको मृत्यु भएको छ । गुडिरहेको लोड टिपर आफैँ अनियन्त्रित भइ सडकबाट सय मिटर तल खस्दा दुर्घटना भएको जिल्ला प्रहरी कार्यालय काभ्रेका प्रहरी नायव उपरीक्षक दीपक गिरीले जानकारी दिए ।
गिरीका अनुसार धुलिखेल नगरपालिका–११ सिमलबोटस्थित भकुण्डेबाट धुलिखेलतर्फ आउँदै गरेको बा २ ख ४६७५ नम्बरको टिपर अनियन्त्रित भइ सडकबाट सय मिटर तल खसेको थियो ।
शनिबार बिहानको दुर्घटनामा टिपरका चालक गोरखा गण्डक गाउँपालिकाका भूपेन्द्र रेग्मीको मृत्यु भएको हो । दुर्घटनामा च्यापिएर रहेको अवस्थामा उद्धार गरी उपचारको लागि धुलिखेल अस्पताल लैजाँदैगर्दा रेग्मीको मृत्यु भएको गिरीले जानकारी दिए ।
घटनाको सम्बन्धमा थप अनुसन्धान भइरहेको पनि डिएसपी गिरीले बताएका छन् । काभ्रेमा सडक दुर्घटना पछिल्लो समय बढिरहेको छ । यस सात मात्रै काभ्रेमा दुर्घटनाबाट ५ जनाको मृत्यु भइसकेको छ ।
प्रतिक्रिया दिनुहोस !
