राजविराज : सप्तरीको शम्भुनाथ नगरपालिका–७ मोहनपुरस्थित पूर्व–पश्चिम राजमार्गमा भएको सवारी दुर्घटनामा परी एकजनाको मृत्यु भएको छ । शनिबार दुर्घटनामा घाइते भएका मोटरसाइकल चालकको मृत्यु भएको हो ।
स १ त ७९२ नम्बरको ट्याक्टरको ठक्करबाट घाइते लु ४९ प ९१७० नम्बरको मोटरसाइकललाई ठक्कर दिँदा मोटरसाइकल चालक सप्तरीको सुरुङ्गा नगरपालिका–१ हनुमान चोक बस्ने २५ वर्षीय रामदयाल महतोको मृत्यु भएको इलाका प्रहरी कार्यालय कल्याणपुरले जनाएको छ ।
पूर्वबाट पश्चिमतर्फ जाँदै गरेको मोटर साइकललाई सोही दिशाबाट जाँदै गरेको ट्याक्टरले गएराति ९ बजेपछि ठक्कर दिएको थियो । घाइते महतोको गजेन्द्रनारायण सिंह अस्पताल राजविराजमा उपचारका क्रममा मृत्यु भएको इलाका प्रहरी कार्यालय कल्याणपुरका प्रहरी निरीक्षक विष्णुप्रदीप बस्यालले बताए । घटनालगत्तै ट्याक्टर चालक फरार भएको र ट्याक्टरलाई नियन्त्रणमा लिइएको प्रहरीले बताएको छ ।
प्रतिक्रिया दिनुहोस !
