जोमसोम : विश्वभर चुनौती बन्दै गरेको जलवायु परिवर्तनबारे हिमाली जिल्ला मुस्ताङमा सचेतनामुलक कार्यक्रम सम्पन्न भएको छ । यसबारे जोमसोममा शुक्रबार एकदिने विविध सचेतनामूलक कार्यक्रम आयोजना भएको हो ।
नेपाल विज्ञान तथा प्रविधि प्रज्ञा प्रतिष्ठानद्वारा आयोजित सचेतनामा जिल्लाका शैक्षिक सँस्थाहरुले सहभागिता जनाए । प्रतिष्ठानद्वारा आयोजित जलवायु सचेतनामा जिल्लाका शैक्षिक संस्थाहरुलाई जलवायु परिवर्तन सम्बन्धी आधारभुत जानकारी, पोष्टर प्रदर्शनी, अन्तर विद्यालय स्तरीय हाजिरी जवाफ, बृत्तचित्र र अन्तर सम्वाद लगायत विषयमा सचेतना गराइएको जलवायु परिवर्तन अनुसन्धानकर्ता अग्नि ढकालले जानकारी दिए ।
अन्तर सम्वादमा सरोकारवालाले मुस्ताङमा जलवायु परिवर्तनले पु¥याएको असर सम्बन्धी प्रतिष्ठानलाई अवगत गराएको अनुसन्धानकर्ता ढकालले बताए ।
मुस्ताङमा जलवायु परिवर्तनले जमिनको तापक्रम बृद्धि भइरहेको, परम्परागत खेतीले स्थान परिवर्तन गर्न थालेको, हिमालहरुको सौन्दर्य घट्दैगएको, लामखुट्टे लगायत जिवाणुहरु प्रवेश गरेको । असमान प्रकारको हिमपात हुने गरेको, खानेपानीका मुहानहरु सुक्दैगएको र हिमालतिर तापक्रम बढेर हिमताल फुट्ने जोखिम बढेको अनुभव प्रतिष्ठानलाई जानकारी गराइएको थियो ।
जलवायु सम्बन्धी जानकारी समेटिएको हाजिरी जवाफ प्रतियोगितामा जिल्लाका ८ माध्यमिक विद्यालय सहभागी थिए । जसमध्ये जनहित मावि जोमसोम प्रथम, जनआर्दश मावि कोवाङ दोश्रो र ज्ञानोदयम मावि लेते तेश्रो भए ।
उनहरुलाई प्रतिष्ठानले क्रमशः १३ हजार, ११ हजार र ९ हजारसहित प्रमाणपत्रले पुरस्कृत ग¥यो । साथै सहभागी विद्यालयलाई जलवायु परिवर्तन सम्बन्धी पोस्टर, क्यालेन्डर र पुस्तक हस्तान्तरण गरिएको थियो ।
प्रतिक्रिया दिनुहोस !
