नेपालगन्ज : ठूलो परिमाणमा लागूऔषध अफिमसहित चार जनालाई प्रहरीले पक्राउ गरेको छ ।
आज बुधबार बिहान नेपालगन्ज–२२ पुरैनीबाट साढे १८ केजी अफिमसहित चार जना कारोबारीलाई पक्राउ गरिएको प्रहरीले जनाएको छ । पक्राउ पर्नेमा जाजरकोटको त्रिवेणी नलगाड नगरपालिका बस्ने ५० वर्षीय पृथ्वीबहादुर बिक, २५ वर्षीय बीरबहादुर बिक, २५ वर्षीय राजेन्द्र बिक र पूर्वी रुकुम उत्तरगंगा नगरपालिका–९ मैकोटकी ४९ बर्षीया शर्मिला मगर छन् ।
प्लास्टिकमा बेरिएको अफिमसहित रिक्सामा चढेको अवस्थामा उनीहरुलाई पक्राउ गरिएको थियो । रिक्सा चालकलाई पनि प्रहरीले सोधपुछका लागि नियन्त्रणमा लिएको जनाएको छ ।
अभियुक्तहरुले अफिम जाजरकोटबाट ल्याएर भारततर्फ निकासी गर्न लागेको प्रारम्भीक अनुसन्धानबाट खुलेको बाँके जिल्ला प्रहरी प्रमुख अरुण पौडेलले जानकारी दिए । पक्राउ पर्नेहरुले भने आफूहरु भरियामात्र भएको बयान दिएका छन् ।
प्रतिक्रिया दिनुहोस !
