मुगु : पत्नी हत्या आरोपमा खाडाँचक्र नगरपालिका ३ का लक्ष्मी पाण्डे पक्राउ परेका छन्। छाँयानाथ रारा नगरपालिका–२ मा खाजा पसल सञ्चालन गर्दै आएका पाण्डेले २७ वर्षीया पत्नी नानी कोइराला पाण्डेको हत्या गरेको भन्दै माइती पक्षले प्रहरीमा उजुरी दिएका थिए।
असार ३ गते राति कुटपिटगरी नानीको हत्या गरेको आरोप लक्ष्मीमाथि छ। दैनिक मदिरा पिएर कुटपिट गर्ने गरेको फोनमा बताएको भन्दै माइती पक्षले लक्ष्मीविरुद्ध उजुरी दिएका थिए। नानीले विष खाएर आत्महत्या गरेको बहाना गरे पनि उनको शरीरभरी निलडाम भएकाले ज्वाइँले नै हत्या गरेको दाबी माइती पक्षको छ।
हत्या भएको तीन दिनपछि प्रहरीले ज्वाइँलाई पक्राउ गरेको मृतककी आमा जयकला शाहीले बताइन्। घटनाको अनुसन्धान अगाडि बढेको प्रहरीले बताएको छ। नानीले सात वर्ष अघि पाण्डेसँग विवाह गरेकी थिइन्। पाण्डेको यो दोस्रो विवाह हो। जेठी पत्नीबाट जन्मिएका दुई छोरी र दुई छोरा कालिकोट बस्छन्।
प्रहरीले जाहेरी नलिएसम्म परिवारले शव बुझ्न मानेका थिएनन्। मोस्टमार्टपछि शव बुझेर अन्तिम संस्कार गर्ने मृतकका दाइ ऐनबहादुर शाहीले बताए।
प्रतिक्रिया दिनुहोस !
