रामेछापको दुरागाउँमा बोलेरो दुर्घटना : चालकको मृत्यु, वडाध्यक्ष घाइते
असार १४, २०७६ शनिबार ८:४२:०
काठमाडौं : रामेछापको दुरागाउँमा बोलेरो जीप दुर्घटना हुँदा एक जनाको मृत्यु भएको छ भने वडा अध्यक्ष गम्भीर घाइते भएका छन्। लिखु तामाकोशी गाउँपालिका वडा नं १ (साबिकको वडा नं ८) तेर्सेमा शनिबार बिहान दुरागाउँबाट साब्रा जाने क्रममा ना ४ च ६२०५ नं को बोलेरो जीप दुर्घटना भएको स्थानीय ज्ञानबहादुर गुरुङले जानकारी दिए।
उनका अनुसार दुर्घटनामा चालक क्याल्बु तामाङको मृत्यु भएको छ भने वडाध्यक्ष निङ्मार तामाङ गम्भीर घाइते भएका छन्। गुरुङका अनुसार घुम्तिनिर दुर्घटना हुन लागेको संकेत पाएपछि वडाध्यक्ष र चालक दायाँबाँया साइडमा हाम फालेका थिए ।
बोलेरो चालक झरेको साइडमा खसेपछि उनलाई किचेको स्थानीयले बताएका छन् । दुर्घटना भएको गाडि चालक तामाङको निजी रहेको छ। घटनाको थप विवरण आउन बाँकी छ।
प्रतिक्रिया दिनुहोस !
