प्रधानमन्त्रीको सुझाब-'गमलामा खुर्सानी र टमाटर रोप्नुहोस्, अचार खान पुग्छ'

काठमाडौं : प्रधानमन्त्री केपी शर्मा ओलीले पर्याप्त स्थान नभए गमलामा भएपनि फलफु्ल र विरुवा रोप्न सम्पूर्ण नेपालीहरुलाई आग्रह गरेका छन् । शनिबार कोटेश्वरमा आयोजित वृक्षारोपण कार्यक्रममा बोल्दै ओलीले गमलामा भएपनि केही विरुवा लगाउँदा त्यसले स्वास्थ्य र वातावरण फाइदा गर्ने बताए। 

‘केही नभए खुर्सानी लगाउनुस्, किन्न जानुपर्दैन, अचार बनाउन त पुग्छ ।’ ओलीले भने दुईवटा गमलामा खुर्सानी, दुईवटामा टमाटर लगाउनुस् अलिकति नुन थपेपपछि अचार बन्छ ।’ 
 बजार जानुभन्दा कौसीतिर जानु राम्रो हुने र  झोला बोकेर हिन्नुभन्दा टपक्क टिपेर ल्याएको खान उचित हुने ओलीले बताए । 

सरकारले शनिबारबाट मुलुकभर वृक्षारोपण कार्यक्रमको आरम्भ गरेको छ । नास्पातीकाे विरुवा रोपेर प्रधानमन्त्री ओलीले वृक्षारोपण कार्यक्रमको उद्घाटन गरे।

यस वर्ष सरकारले ३ करोड फलफूलका विरुवा रोप्ने लक्ष्य राखेको प्रधानमन्त्रीले जानकारी दिए । उनले भने–‘कम्तिमा ४ करोड वृक्षारोपण यसै वर्ष गरिने छ।’ ५ करोडभन्दा धेरै विरुवा नेपालमा नभएकाले यसवर्ष नर्सरीलाई व्यापकता दिएर अर्को वर्ष थप विरुवा रोप्ने ओलीको जनाए । ‘हरित शहर, हरित सडक’ को अभियानमा सरकार लागेको र चौडा गरीसकेका सडकमा मात्रै विरुवा रोप्ने बताए । 

फेरी खन्ने, भत्काउने सडकमा नलगाउने भन्दै उनले रोपेको विरुवाको सुरक्षा जिम्मा हरेक नेपालीले लिई सन्तानलाईझैं प्रेमपूर्वक हुर्काउन सुझाव दिए ।  कार्यक्रममा शताब्दीपुरुष सत्यमोहन जोशीले पनि विरुवा रोपेका थिए । 

वृक्षारोपण कार्यक्रममा नेपाल प्रहरी, नेपाली सेना, शसस्त्र प्रहरी, कर्मचारी, स्थानीहरु उपस्थिति थियो ।  विद्यार्थी, विभिन्न संघसंस्थाका प्रतिनिधिहरुको  पनि उपस्थिति थियो । 
ललितपुरको चक्रपथखण्डमा शनिबार ३ हजार विरुवा रोप्ने कार्यक्रम रहेको ललितपुर महानगरपालिकाका मेयर चिरिबाबु महर्जनले जानकारी दिए।