राजविराज : आफैँले चलाएको मोटरसाइकल अनियन्त्रित भइ दुर्घटना हुँदा एक युवकको मृत्यु भएको छ ।
दुर्घटनामा सप्तरीको हनुमाननगर कंकालिनी नगरपालिका–११ सखुवा टोल बस्ने २५ वर्षीय अर्जुन रामको मृत्यु भएको हो ।
अर्जुन हनुमाननगरबाट को ४ प ८६२ नम्बरको मोटरसाइकलमा भारदहतर्फ जाँदै गरेका थिए । हनुमाननगर कंकालिनी नगरपालिका–२ सकरदही पुलमा गएराति दुर्घटनामा घाइते भएका उनको उपचारको क्रममा मृत्यु भएको हो ।
दुर्घटनामा उनको छाती र टाउकोमा गम्भीर चोट लागेको थियो । सप्तरीको भारदहस्थित अस्पतालमा प्राथमिक उपचारपछि थप उपचारको लागि सुनसरीको इनरुवास्थित अस्पतालमा उपचार गराउने क्रममा मृत्यु भएको परिवारका सदस्यले बताएका छन् ।
प्रतिक्रिया दिनुहोस !
