विश्वकप क्रिकेटमा फरक फरक कीर्तिमान बनिरहेका छन् । विश्वकपको फाइनल खेलमा सर्वाधिक रन बनाउने खेलाडीको कीर्तिमान भने अस्ट्रेलियाका एडम गिलक्रिस्टको नाममा छ । एडमले सन् २००७ को विश्वकप क्रिकेटमा श्रीलंकाविरुद्ध फाइनल खेलमा १४९ रनको शतकीय पालि खेलेका थिए । उनले १०४ बलमा उक्त रन बनाएका थिए ।
एडमले कीर्तिमानी शतक बनाउने क्रममा आठ छक्का र १३ चौका हानेका थिए । फाइनलमा अस्ट्रेलियाले श्रीलंकालाई ५३ रनले हराउँदै उपाधि जितेको थियो । एडम फाइनल खेलको प्लेयर अफ दी म्याच पनि भएका थिए । ४७ वर्षीय एडम अस्ट्रेलियाका पूर्वकप्तानसमेत हुन् ।
विकेट किपरसमेत रहेका उनी आक्रामक बायाँहाते ब्याट्सम्यान हुन् । उनी अहिले क्रिकेट कमेन्टेटरका रूपमा सक्रिय छन् । विश्वकपको फाइनल खेलमा भने हालसम्म ६ शतक बनेका छन्।
प्रतिक्रिया दिनुहोस !
