परासी : शनिबार राति लगातार परेको वर्षाका कारण विद्यालय भवनको कोठा भत्किँदा एक जनाको मृत्यु भएको छ।
पश्चिम नवलपरासीको सुस्ता गाउँपालिका ३ मर्चहवामा रहेको शिवशक्ति आधारभूत विद्यालयको कोठा भत्किँदा स्थानीय ५० वर्षीया रामकिसुन विनको मृत्यु भएको जिल्ला प्रहरी कार्यालयका नायब उपरीक्षक वीरेन्द्र थापाले जानकारी दिए।
उक्त भवन जीर्ण अवस्थामा रहेको र राति परेको पानीले एउटा कोठा भत्किएको थियो। मृतक विन गाउँमा मागेर जीवन निर्वाह गर्थे र रातको समयमा विद्यालयको कोठामा बस्दै आएका थिए।
कोठा भत्किँदा च्यापिएर उनको मृत्यु भएको प्रहरीले जनाएको छ।
प्रतिक्रिया दिनुहोस !
