राजविराज : ट्रक र मोटरसाइकल एकआपसमा ठाेक्किँदा मोटरसाइकल चालक सप्तरीका एक युवकको सोमबार दिउसो मृत्यु भएको छ ।
सप्तरीको खडक नगरपालिका ५ खरचुहियास्थित पूर्व–पश्चिम राजमार्गमा सोमबार भएको दुर्घटनामा मोटरसाइकलमा सवार खडक नगरपालिका ४ का २० वर्षीय सुरज चौधरीको मृत्यु भएको सप्तरी प्रहरीले जनाएको छ ।
पूर्वबाट पश्चिमतर्फ जाँदै गरेको स.२ प. ६३१९ को मोटर साइकललाई विपरीत दिशाबाट जाँँदै गरेको ना ४ ख ७६५९ नम्बरको मिनी ट्रकले ठक्कर दिएको जिल्ला प्रहरी कार्यालय सप्तरीले जनाएको छ ।
जिल्ला प्रहरी कार्यालय सप्तरीका प्रमुख एसपी मनोजकुमार यादवले ठक्कर दिने चालकसहितको ट्रकलाई नियन्त्रणमा लिएको बताए ।
प्रतिक्रिया दिनुहोस !
