गुल्मी : गुल्मीदरवार गाउँपालिका–३ राजा गुल्मीमा भ्यान बुधबार दुर्घटना हुँदा चारजना घाइते भएका छन् ।
लु १ ज ३०१९ नम्बरको भ्यान ब्रेक फेल भएर घुम्टीमा अनियन्त्रित भइ दुर्घटना भएको बताइएको छ । गाडीमा सातजना यात्रु थिए ।
घाइते हुनेमा रेसुंगा नगरपालिका–१ निवासी ४० वर्षीया सीता भुषाल, सोही नगरपालिकाका ४० वर्षीय चेतनारायण श्रेष्ठ, अर्घाखाँचीका ४० वर्षीय डिल्लीराज पौडेल र लम्जुङ सुन्दरबजारका ४० वर्षीय चेतराज योगी छन् ।
घाइतेहरुको लुम्बिनी मेडिकल कलेज पाल्पामा उपचार भइरहेको छ । गाडी चालक प्रहरीको नियन्त्रणमा रहेको जिल्ला प्रहरी कार्यालय गुल्मीका प्रहरी निरिक्षक रवीन्द्र खड्काले जानकारी दिए ।
प्रतिक्रिया दिनुहोस !
