राजविराज : तिव्र गतिमा गुडेको बसको ठक्करले सप्तरीमा शनिवार एक मोटरसाइकल चालकको मृत्यु भएको छ ।
खडक नगरपालिका–५ स्थित पूर्व–पश्चिम राजमार्गमा पश्चिमबाट पूर्वतर्फ जाँदै गरेको ग १ ख ३७८८ नम्बरको बसले स ११ प ९८६ नम्बरको मोटरसाइकललाई पछाडिबाट ठक्कर दिँदा सिरहाको धनगढी नगरपालिका–१ का ३० वर्षीय वीरेन्द्र चौधरीको मृत्यु भएको प्रहरीले जनाएको छ ।
दुर्घटनामा घाइते भएका चौधरीलाई उपचारका लागि राउ स्मारक अस्पताल लहान लैजाँदै गर्दा बाटोमै मृत्यु भएको इलाका प्रहरी कार्यालय कल्याणपुरका प्रहरी निरीक्षक विष्णुप्रदीप बस्यालले बताए । घटनापछि चालकसहित बसलाई प्रहरीले नियन्त्रणमा लिएको छ ।
प्रतिक्रिया दिनुहोस !
