काठमाडौं : उद्योग, वाणिज्य तथा आपूर्तिमन्त्री मातृकाप्रसाद यादवले उद्यमी व्यवसायीको कार्य समयमै सम्पन्न नगर्ने राष्ट्रसेवक कर्मचारीलाई कारवाही गरिने बताएका छन् ।
नेपाल चेम्बर अफ कमर्शद्वारा विद्यमान वाणिज्य तथा आपूर्ति व्यवस्थापन विषयमा शुक्रबार आयोजित एक कार्यक्रममा उनले काम नगरी आलटाल गर्ने कर्मचारीलाई कारवाही गर्ने धारणा राखेका हुन् ।
निजी क्षेत्रबिनाको विकास असम्भव रहेको मन्त्री यादवले बताए । निजी क्षेत्रका प्रतिनिधिमूलक संस्थाले कानुनमा उल्लेख भएका गर्न हुने र नहुने व्यवसायको कार्यबारे सुसूचित गराउनुपर्ने उनको भनाइ छ ।
मुलुकको समग्र विकासका लागि निरपक्ष व्यापारभन्दा पनि उत्पादनसहितको व्यापारमा जोड दिनुपर्ने मन्त्री यादवले बताए ।
प्रतिक्रिया दिनुहोस !
